Beynəlxalq Qızıl Xaç və Qızıl Aypara gününə həsr olunmuş tədbirlərin davamı olaraq AzQAC-nin Tərtər rayon bölməsinin könüllülərinin iştirakı  ilə Təzə qəsəbə məktəbində ibtidai sinif şagirdləri üçün rəsm müsabiqəsi, böyük siniflər üçün isə intellektual oyun təşkil olundu. Şagirdlər “Mərhəmət dünyanı xilas edəcək” mövzusunda rəsimlər çəkdilər.Tədbirdə Azərbaycan Qızıl Aypara Cəmiyyətinin Baş İdarəsinin  nümayəndələri və Beynəlxalq Qızıl Xaç Komitəsinin Bakı və Bərdə nümayəndələri iştirak edirdilər. Ümumilikdə, bütün iştirakçılara hədiyyələr və müxtəlif suvinerlər verildi.