Azərbaycanda uşaqlara diqqət və qayğı həmişə yüksək səviyyədə olub. Uşaqlara qayğı, onların diqqətdə olması cəmiyyətin inkişaf dərəcəsini göstərir. Ulu öndər Heydər Əliyev hər zaman uşaqlara diqqət yetirirdi. Hazırda bu siyasət Prezident İlham Əliyev tərəfindən davam etdirilir. Bu gün Heydər Əliyev Fondunun uşaqlara qayğı göstərməsi, onları diqqətdə saxlaması çox təqdirəlayiqdir. Heydər Əliyev Fondunun prezidenti, birinci xanım Mehriban Əliyeva uşaqlara, onların sağlam böyüməsinə çox böyük diqqət göstərir.
Az.QAC da uşaqları qayğı və diqqəti ilə əhatə edir. Hər bir uşağın məhəbbətə ehtiyacı var. Lakin xəstə və valideyin himayəsindən məhrum olmuş uşaqların bunlara daha çox ehtiyacları vardır. Hər il olduğu kimi AzQAC Sabunçu RB Uşaqların Beynəlxalq Müdafiəsi Günü münasibəti uşaqlar üçü bayram tədbirləri təşkil edir.
31.05.2019-cu il tarixdə 1 iyun Uşaqların Beynəlxalq Müdafiəsi Günü münasibəti ilə “Park Plyus” Uşaqların Əyləncə Mərkəzində valideyin himayəsindən məhrum olmuş və ailə vəziyyəti ağır olan 27 uşaq üçün əyləndirici tədbir keçirtdi. Tədbirdə uşaqlar üçün bədii-əyləndirici proqramlar təşkil edilmiş, onların səmərəli istirahətləri üçün hər cür şərait yaradılmış, bayram süfrəsi və ailələrinə ərzaq yardımları verilmişdir. Uşaqların üzləri sevinc və təbəssümlə parıldıyırdı. Məqsədimiz də bu idi.
Xüsusi qayğıya və dəstəyə ehtiyaci olan uşaqlar üçün 1 iyun bayram şənliyi könüllülərimizin dəstəyi ilə hər il olduğu kimi 1 saylı Ruhi Əsəb Dispanserin 45 xəstə uşaqları üçün konsert proqramı, bayram süfrəsi təşkil etdik. Uşaqlar bol oynayıb rəqs etdilər və bunlar uşaqların həyatına rəng qatdı.
Bayram münasibətilə bütün uşaqları təbrik edirik, onlara rifah dolu, sakit həyat, bol uğur, sağlamlıq arzulayırıq. Qoy uşaqlarımız həmişə sülh və əmin-amanlıqda, aydın səma altında böyüsünlər! 
