Sentyabrın 06-11 tarixlərində “Azərikimya” İstehsalat Birliyinin təşəbbüsü və təşkilatçılığı ilə “Əsrin müqaviləsi”nin 25 illiyinə, 20 Senyabr Neftçilər Günü peşə bayramına və Sumqayıt şəhərinin 70 illik yubileyinə həsr olunmuş mini futbol turnirinə yekun vurulmuşdur. Turnirdə “Azərikimya” İB-nin idarəetmə aparatının, Etilen-polietilen zavodunun, Təmir-Tikinti İdarəsinin, “Sumqayıt Texnologiyalar Parkı” MMC-nin, Sumqayıt Asan Xidmət Mərkəzinin, Azərbaycan  “Qızıl Aypara” Cəmiyyəti Sumqayıt şəhər bölməsinin, Sumqayıt şəhər Gənclər Mərkəzinin, FHN DYMX Sumqayıt şəhər Yanğından Mühafizə İdarəsinin, Regional Mədəniyyət İdarəsinin, şəhər polis idarəsinin, Hacı Zeynalabdin qəsəbə bələdiyyəsinin, Sumqayıt futbol klubunun, Su-kanal idarəsinin və “Etalon Security” MMC-nin komandaları da daxil olmaqla 16 komanda iştirak edirdi. Komandalar hər birində 4 komanda olmaqla 4 qrupda yarışırdılar. Etilen-polietilen zavodunun balansında olan Sumqayıt şəhər stadionunun meydançalarında keçirilən, Sumqayıtın futbol üzrə təcrübəli hakimlər heyəti tərəfindən idarə olunan, bir həftə davam edən, maraqlı və gərgin idman mübarizəsi şəraitində keçən yarışlarda FHN DYMX Sumqayıt şəhər Yanğından Mühafizə İdarəsinin komandası turnirin qalibi olmuşdur. Azərbaycan  “Qızıl Aypara” Cəmiyyəti Sumqayıt şəhər bölməsinin və “Sumqayıt Texnologiyalar Parkı” MMC-nin komandaları isə müvafiq olaraq birinci və ikinci yerləri tutmuşlar. Qaliblər “Azərikimya” İstehsalat Birliyinin Həmkarlar İttifaqı Komitəsi tərəfindən qiymətli hədiyyələr və fəxri fərmanlarla təltif edilmişdir. Yarışmaya qoşularaq bölməmizi təmsil edən və ikincilik Diplomunu qazandıran komandamıza təşəkkürlərimizi bildiririk ! Uğurlarımız bol olsun !