Azərbaycan Qızıl Aypara Cəmiyyətinin İdarə rəisi, vitse-prezident Əziz Qocayev avqustun 27-də AzQAC İsmayıllı rayon bölməsində olmuşdur. Görüşdə iştirak edən rayon bölməsinin əməkdaşlarını və könüllülərini Əziz Qocayev salamlayaraq rayonda keçirilməsi nəzərdə tutulan bütün humanitar, maarifləndirmə və digər tədbirlərin keçirilməsinə müvafiq tapşırıq və göstərişlərini verdi.

Görüş zamanı rayon bölməsinin sədrinə və əməkdaşlarına AzQAC-ın 2011-2015-ci illər üzrə mövcud olan Strateji Planının hesabatının hazırlanması və yeni 2016-2020-ci illərə nəzərdə tutulan Strateji İnkişaf Planının tərtib olunması haqqında müvafiq məlumat verildi və Strateji Plana uyğun olaraq təşkilati inkişafla bağlı bir sıra müzakirələr aparıldı.