2020-cı il 7 fevralt tarixində Az.Respublikası Səhiyyə Nazirliyi Ölkə Əlaqələndirməi Komissiyasının dəstəyi ilə QHT nümayələri üçün “Dünyada vərəm problemi.Vərəmlə mübarizədə multidissiplinar yanaşma” adlı növbəti seminar təşkil olunmuş. Seminarda AzQAC-in Beynəlxalq əlaqələr şöbəsinin müdiri Nuranə Qasımzadə və işçi Bəhriyyə Əkbərzadə, AzQAC-in Abşeron, Sabunçu və Nəsimi RB nümayyəndələri, Eşitmə və nitq məhdudiyyəti olan şəxslərə sosial yardım İctimai Birliyi, Azərbaycan Uşaq və Gənclərin “Sülh” Şəbəkəsi, “Təmiz Dünya” qadınlara dəstək təşkilatı, HİV sahəsində fəaliyyət göstərən təşkilatların nümayyəndələr iştirak etmişlər. Seminarı Azərbaycan Vərəmlə mübarizə QHT Koalisiyanın üzvü, AzQAC “İcmaya əsaslanan sağlamlıq” proqramının kordinatoru M.Qaraxanova aparırdı.
Seminar iştirakçılarına Vərəm haqqında geniş məlumatlar prezentasiya şəklində təqdim edildi. Təqdimat üç hissədən ibarətidi. İlk öncə əhali arasında vərəm haqqında yalnış yanaşmalar, Vərəmin dünyada və Azərbaycanda (burada Azərbaycanda dünyanın 30 ölkə arasında DDV-n yayılması) barədə məlumatlar qeyd edildi. Bununla yanaşı Ümumdünya Səhiyyə Təşkilatının Vərəmin qlobal epidemiyası ilə mübarizədə 20-illik (2016-2035) strategiya, Vərəm haqqında əsas faktlar təqdim edildi. Vərəmli xəstələrinin müalicə olunmasında rast gəlinən maneilər qruplarda müzakirə edildi.
Seminar iştirakçılarına təqdim edilən məlumatlarda vərəmli xəstələrə psixoloji dəstək və qayğı fəaliyyətinin prinsipləri və xüsusiyyətləri barədə məlumatlara yer ayrılmışdı. Vərəmlə uğurlu mübarizənin erkən aşkarlanma, tam və düzgün müalicə və əhalinin maarifləndirilməsi kimi komponentlərdən asılı olduğu seminarda xüsusi vurğulandı. Bu fəaliyyətlərdə bir daha əməkdaşlığın xüsusi rolu qeyd edildi.
Sonda iştirakçılar seminardan bir çox yeni məlumatları əldə etdiklərini səsləndirərək, bu kimi seminarların vərəmli xəstələrə tibbi-sosial, psixoloji xidmətlərin yaxşılaşması baxımından onlar üçün çox əhəmiyyətli olduğunu vurğulamışlar və hər bir iştirakçı vərəm sahəsində əməkdaşlıq etmək, xəstələrə psixoloji dəstək olmaq, əhalinin maarifləndirilməsində iştirak etməyə hazır olduqlarını qeyd etmişdir.
