Milli Cəmiyyətin  100 illik yubileyi münasibəti ilə AzQAC Sumqayıt şəhər bölməsi Sumqayıt şəhər Təhsil şöbəsi ilə birgə “100 il sizinlə” şagirdlərin gözü ilə adlı ümumtəhsil məktəblərində rəsm müsabiqəsi elan etmişdi. 27 fevral 2020-ci il tarixində möhtəşəm Heydər Əliyev Mərkəzində rəsm sərgisi və müsabiqəsi kecirildi.Tədbirdə Az.QAC İcracı katibin müavini, Gənclər və Könüllülər şöbəsinin müdiri Xalidə İsgəndərova, Fövqaladə Hallara hazırlıq şöbəsinin müdiri Elşən Səlimzadə,Sumqayıt şəhər İcra Hakimiyyətinin məsul işcisi Fərman Kazımov,Təhsil şöbəsinin əməkdaşı Gülbahar Haqverdiyeva və Cəmilə Fəyyaz, İnteqrasiya Təlimli İnternat tipli Gimnaziyanın müdiri Ayət Kərimova, Gənc müəllimlər şurasının üzvləri bölmənin əməkdaşları və könüllüləri iştirak edirdilər. Əvvəlcə şagirdlərin rəsmlərinə və əl işlərinə baxış kecirildi.Sonra bölmə sədri Mətanət Məhərrəmova qonaqları salamlayaraq günün mahiyyəti barədə məlumat verdi.Sumqayıt şəhər İcra hakimiyyətinn məsul işcisi Fərman Kazımov bu səpgili tədbirlərin kecirilməsinin əhəmiyyətindən,yetişməkdə olan yeniyetmələrin təlim-tərbiyəsində rolundan danışdı.Sonra 1,2,3 yer tutan 35 şagirdlərə Diplomlar və hədiyyələr təqdim olundu.Digər şagirdlərə isə iştirakçı diplomları verildi.Sonda xatirə şəkilləri çəkildi.