Hörmətli Prezident, əziz dostum Dr. Aslanov,
Hörmətli Qızıl Xaç və Qızıl Aypara üzvləri,
Əziz dostlar!
Azərbaycan Qızıl Aypara Cəmiyyətini 100-cü ildönümü münasibətilə təbrik etmək istəyirəm, həmçinin Milli Cəmiyyətə, öhdəliklərinə, eləcə də ümumi humanitar mandatımıza sadiq qaldıqlarına görə təşəkkürümü bildirirəm.
Yubiley tarixi bir an, keçmişə qayıtmaq üçün bir fürsətdir, bütün bu illər ərzində görülən bütün uğurlara və görülən işlərə baxdıqda qürur hissi keçirirəm. Bununla belə, gələcəyə cəsarətlə baxmaq və gələcək hədəfləri təyin etmək üçün bu bir inkişaf yoludur .
Son 100 ildə Azərbaycan Qızıl Aypara Cəmiyyəti bir çox uğurlara imza atdı, sizin fəaliyyətiniz sayəsində bir çox ehtiyaclı insana yardım edildi, Beynəlxalq federasiya üçün xüsusi önəm daşıyan fəlakətlərə hazırlıq və gənclərin və könüllülərin humanitar fəaliyyətlərə cəlb olunması sahəsində gördüyünüz işlər qürurvericidir.
Heç vaxt unutmayaq ki, hamımız 191 Milli Cəmiyyətdən ibarət olan böyük bir ailənin bir parçasıyıq və bu ailə humanism naminə uğura gedən yolda sizi daim dəstəkləməyə və müşayiət etməyə hazırdır.
Bununla belə, Cəmiyyətiniz, beynəlxalq səviyyədə öz etibar, güvən və etimad qazanması ilə tanınan bir rəhbərə malik olduğu üçün fəxr etməlidir.
Fürsətdən istifadə edərək, dostum Dr.Aslanova müdrikliyinə, Beynəlxalq Hərəkatımıza sədaqətinə, hər zaman verdiyi faydalı məsləhətlərinə görə təşəkkür edirəm. Bilirəm ki, həmişə ona güvənə bilərəm.
Bildiyiniz kimi, Federasiya növbəti on il üçün fəaliyyət hədəflərimizi müəyyən edəcəyimiz “2030 Strategiyası” nı hazırladı və təsdiqlədi. Strategiya, əldə etməyə çalışdığımız 7 əsas dəyişikliyə əsaslanır.
Mən həqiqətən ümid edirəm ki, birgə səylərimizlə bu dəyişiklikləri həyata keçirə biləcəyik. İstərdim sizləri, dünyanı görmək istədiyiniz istiqamətdə ilk öncə özünüzü dəyişməyə çağırım. Arzu edirəm ki, gündəlik fəaliyyətləriniz sizə daha yaxşı humanitar fəaliyyətlərə ruhlandırsın.
Beynəlxalq Qızıl Xaç və Qızıl Aypara Cəmiyyətləri Federasiyasının prezidenti kimi, Azərbaycan Qızıl Aypara Cəmiyyətinin daha da uğurlu işinə bir daha inamımı və etibarımı bildirirəm.
Bütün Azərbaycan Qızıl Aypara Cəmiyyətinin komandası və könüllülərini təbrik edirik.
Təşəkkür edirəm!
Hörmətlə
Francesco Rocca
