2020-ci il mart ayının 11-də AzQAC-ın Baş ofisində keçirilən tədbirdə Cəmiyyətin tərəfdaşlıq etdiyi şirkətlərin nümayəndələrinə yubiley medalı təqdim olundu.  Tədbiri giriş sözü ilə açan AzQAC-ın prezidenti, Milli Məclisin deputatı cənab Novruz Aslanov 100 illik şanlı tarixə malik olan Cəmiyyətin qazandığı uğurlardan bəhs etdi. AzQAC-a göstərilən dövlət dəstəyindən danışdı. Cəmiyyət fəaliyyət istiqamətləri, xüsusilə də könüllük sahəsi haqqında ətraflı məlumat verdi. Bu uğurların əldə edilməsində artıq uzun illərdir bir yerdə çalışdıqları AzQAC-ın tərəfdaşlarının olduğunu qeyd etdi. Fondların artırılması sahəsində qarışılıqlı əməkdaşlığın hər il daha inkişaf etdiyini bildirdi.

Daha sonra təltif edilmə mərasiminə keçildi. Aşağıdakı şirkətlər AzQAC-ın 100 illik Yubiley medalı ilə təltif edildilər :

İran klinikasının Azərbaycandakı nümayəndəliyinin rəhbəri Seyid Kənani , “Bolmart”, “Rahat”, Qrant”, “Bravo”, “Bazar Store”, “Araz” marketlər şəbəkələri, “İdeal” parfumeriya şəbəkəsi, “Pakdad” restoranı.