. İclası giriş sözü ilə açan Cəmiyyətin prezidenti, Milli Məclisin deputatı Novruz Aslanov Cəmiyyətin əməkdaşlarının istər pandemiya, istərsə də 44 günlük müharibə dövründə yüksək səviyyədə fəaliyyət göstərdiklərini söylədi. Milli Cəmiyyətin bütün heyətlə ehtiyaclı insanların yanında olduğunu bildirdi. AzQAC-ın kollektivinin işini yüksək qiymətləndirən prezident onların fasiləsiz olaraq fəaliyyət göstərdiklərini xüsusi olaraq qeyd etdi.

Xüsusilə müharibə dövründə çətinliklərə baxmayaraq bütün işlərin öhdəsindən gəlindiyini bildirdi. Bu dövr ərzində AzQAC-ın könüllülərinin fəaliyyətinin də yüksək səviyyədə təşkil olunduğunu deyən natiq, hətta, bir nəfər könüllümüzün- Mustafayev Məhərrəmin öz humanitar missiyasını yerinə yetirərkən dünyasını dəyişdiyini və iki nəfər könüllümüzün isə yaralandığını xüsusi olaraq qeyd etdi.

Novruz Aslanov, həmçinin, 3 tərəfli əməkdaşlıqdan da bəhs etdi. BQXQAC Federasiyasının xüsusi olaraq pandemiya dövründə COVİD-19 ilə mübarizə çərçivəsində bir çox layihələr həyata keçirtdiyini iclas iştiraçılarının diqqətinə çatdırdı.

Müharibə dövründə isə BQXK-nın öz mandatına və missiyasına uyğunu olaraq fəaliyyətini təşkil etdiyini söylədi. Xüsusi ilə Komitənin dəstəyi ilə yaradılan AzQAC-ın Fövqəladə Mobil Könüllü Dəstələrinin bu vaxt ərzində fəalyyətini yüksək qiymətləndirdiyini söylədi.

Həmçinin, istər istər pandemiya, istərsə də 44 günlük müharibə dövründə zərərçəkən ehtiyaclı insanlara Türkiyə Qızıl Ay Cəmiyyətinin də dəstək olduğunu bildirdi.

Bundan sonra da fəaliyyətlərin yüksək səviyyədə davam etdiriləcəyini bildirən prezident müharibə zamanı zərərçəkmiş ərazilərdə gələcəkdə də humaitar layihələrin həyata keçiriləcəyini söylədi.

AzQAC-ın əməkdaşları Azərbaycan Respublikasında 27 sentyabr Anım gününü 1 dəqiqəlik sükutla yad etdilər.