Bu gün Azərbaycanın Vətən müharibəsinin yeganə şəhid qadını Arəstə Baxışovanın doğum günüdür.
Arəstə Baxışova Azərbaycanın ərazi bütövlüyünün təmin edilməsi uğrunda qarşılarına qoyulmuş tapşırıqları yerinə yetirərkən yaralanmış əsgərlərə ilk yardımın göstərilməsində və onların döyüş meydanından təxliyyə edilməsində fəallıq göstərmiş və öz vəzifə borcunu yetirərkən döyüş zamanı həlak olmuşdur.
Vətən yolunda şəhid olan A.Baxışovanın fəaliyyəti həm də AzQAC ilə bağlı olub. Belə ki, o, zamanında Cəmiyyətin Binəqədi rayon bölməsinin tibb bacıları kursunu bitirmiş, həmçinin, Binəqədi rayon bölməsinin İdarəetmə Şurasının üzvü olmuşdur. Azərbaycan Qızıl Aypara Cəmiyyətinin prezidenti, Milli Məclisin deputatı Novruz Aslanovun təklifi ilə A.Baxışovanın “Florence Nightingale” medalı layiq görülməsi təklifi ilə komissiyaya təqdim olunmuşdur.
