Hər il olduğu kimi bu il də əməkdaşlıq etdiyimiz SOCAR Polymer-in rəhbərliyi bu Ramazan bayramı ərəfəsində də qeydiyyatımızda olan ahıllarımızı unutmamış, bayram sovqatları ilə onları sevindirmişdilər. Bölmə sədri Mətanət Məhərrəmova SOCAR Polymerin əməkdaşı Orxan Xəlilzadəni salamlamış, bayramlarda bölmə qeydiyyatında olan ahıllara göstərdikləri diqqət və qayğı ücün onlara öz təşəkkürlərini bildirmişdi. Donor təşkilatın əməkdaşı Orxan müəllim də SOCAR Polymerin rəhbərliyi adından ahılları bayram münasibəti ilə təbrik edərək, xoş arzularını bildirdi. Bayram sovqatları alan ahıllar da öz növbələrində xeyriyyəci təşkilat nümayəndələrinə, QAC Sumqayıt şəhər bölməsinin əməkdaşlarına öz minnətdarlıqlarını bildirərək, xeyir-dua verdilər. SOCAR Polymerin əməkdaşı Orxan Xəlilzadə və bölmə könüllüləri yataq xəstələrinin bayram sovqatlarını evlərində catdırdılar. Göstərdikləri dəstək üçün biz də SOCAR Polymerin rəhbərliyin Ramazan bayramı münasibəti ilə təbrik edir, ən xoş arzularımızı bildiririk. Bu Ramazan bayramda SOCAR Polymer MMC 100 ahıl ailələrini bayram sovqatları ilə sevindirdilər.