Fövqəladə Mobil Könüllü Dəstələrin (FMKD) fövqəladə hallara cavab vermə tədbirlərinin davamı olaraq bölmə əsaslı simulyasiya məşğələləri həyata keçirilmişdir. Masaüstü və funksional hissələrdən ibarət olan məşğələlər AzQAC-nin Sumqayıt, Ağdam, Tərtər, Bərdə, Füzuli və Qazax bölmələrinin FMKD üzvləri tərəfindən icra olundu.
Simulyasiyanın əsas məqsədi FMKD-nin fövqəladə hallara cavabvermə reaksiyasını təkmilləşdirmək, AzQAC rayon bölmə səviyyəsində fövqəladə hallara cavab verməklə bağlı zəruri tədbirləri müəyyən etmək, cavab tədbirləri zamanı kommunikasiya və koordinasiyanın əhəmiyyətini daha yaxşı başa düşməkdir.
Məşğələlərin sonunda həm AzQAC, həm də BQXK-nın həmkarları könüllülərlə rəy mübadiləsi, nailiyyətlər və çətinliklərin müəyyən edilməsi məqsədilə brifinq sessiyaları keçirdilər.
