AzQAC Sumqayıt şəhər bölməsinin ehtiyaclı ahıllarını “SOCAR Polymer” MMC Qurban bayramında sevindirdi. AzQAC Sumqayıt və “SOCAR Polymer” MMC-nin rəhbərliyi bu Qurban bayramında da qeydiyyatda olan ahıllarımızı unutmamış, bayram sovqatları və qurban payı ilə onları sevindirmişdilər. Bölmə sədri Mətanət Məhərrəmova bölmə qeydiyyatında olan ahılları salamlamış, onları bu Müqəddəs Qurban bayramı münasibətilə təbrik etmiş və hər zaman əziz bayramlarda ahıllarımızın sevincinə səbəb olan “SOCAR Polymer”-in rəhbərliyinə öz adından və ahıllar adından minnətdarlığını bildirdi. Bayram sovqatları alan ahıllar da öz növbələrində xeyriyyəçi təşkilat rəhbərliyini Müqəddəs Qurban bayramı münasibəti ilə təbrik edərək öz xeyir-dualarını verdilər. Bölməyə gəlmək iqtidarında olmayan ahılların bayram sovqatları və Qurban payları könüllülər tərəfindən evlərində təqdim olundu. Qeyd edək ki, Müqəddəs Qurban bayramında “SOCAR Polymer” MMC 100 ahıl ailələrinə bayram sovqatları və Qurban pay ilə sevindirdilər.