2 dekabr 2022-ci il tarixində Azərbaycan Qızıl Aypara Cəmiyyətinin nümayəndələri Beynəlxalq Qızıl Xaç Komitəsi, ANAMA və ADA Universitetinin təşkilatçılıq ilə mina hadisələri qurbanlarına daha effektiv dəstək göstərilməsi mövzusunda tematik müzakirələr və çalışmaların yer aldığı dəyirmi masada iştirak edib.

Azərbaycan Qızıl Aypara Cəmiyyətindən vitse-prezident Qafar Əsgərzadə, risklər və təhlükəsiz davranış üzrə proqram koordinatoru İsmayıl Əhmədov və rəqəmsal kommunikasiyalar üzrə əməkdaş Vüsal Səfərli iştirak edib. Açılış nitqində Qafar Əsgərzadə qonaqları salamlayıb və AzQAC-ın prezindenti, Milli Məclisin deputatı cənab Novruz Aslanov-un salamını çatdırıb. Daha sonra Qafar Əsgərzadə mina təhlükəsindən, yaratdığı fəsadlardan söz açıb. Mina mövzusunda Azərbaycan Qızıl Aypara Cəmiyyətinin gördüyü işlərdən vurğu edən vitse-prezident, Azərbaycan Qızıl Aypara Cəmiyyəti artıq eksperti olduğu “Mina Risklərinin Azaldılması” startegiyası çərçivəsində olan “Təhlükəsiz Oyun Meydançaları” layihəsindən bəhs edib. Sonda isə AzQAC-ın Fövqəladə Mobil Könüllü Dəstələrinin üzvlərindən ibarət xüsusi qrup könüllüləri Beynəlxalq Qızıl Xaç Komitəsinin dəstəyi ilə Mina Risklərinə və Təhlükəsizliyə dair Tərtər, Ağdam, Füzuli, Cəbrayıl, Qazax və bir sıra digər ərazilərdə mütəmadi şəkildə maarifləndirmə işləri aparıldığı barədə də əlavələrini edib.