Azərbaycan Ağsaqqallar Şurasının rəsmiləri Azərbaycan Qızıl Aypara Cəmiyyətində qonaq olublar. Qonaqları Qızıl Aypara Cəmiyyətinin prezidenti, millət vəkili Novruz Aslanov qəbul edib. İlk öncə cənab Aslanov qonaqları salamlayıb və Azərbaycan Qızıl Aypara Cəmiyyətinin Baş İdarəsində görməkdən məmnun olduğunu bildirib. Qonaqlar da öz növbəsində onları qəbul etdiyi üçün Novruz Aslanova təşəkkürlərini və salamlarını bildirib. Daha sonra Ağsaqqallar Şurasının sədri, millət vəkili, professor Eldar Quliyev Azərbaycan Qızıl Aypara Cəmiyyətinin prezidenti, millət vəkili Novruzəli Aslanovun təltif edilməsi barədə əmr imzalayıb. Belə ki, Azərbaycan Ağsaqqallar Şurası tərəfindən Novruzəli Aslanova Vətənə, xalqa, dövlətə sədaqətli və səmərəli xidmətlərinə, habelə cəmiyyətimizin, xüsusilə gənclərimizin inkişafı üçün həyata keçirdiyi yorulmaz fəaliyyətinə görə və 60 illik yubileyi münasibətilə Şuranın “Fəxri Ağsaqqal” döş nişanı təqdim olunub. Azərbaycan Ağsaqqallar Şurasının Aparat rəhbəri Ramin Həsənli Qızıl Aypara Cəmiyyətinin ofisində Novruzəli Aslanovu Şuranın sədri, millət vəkili, professor Eldar Quliyevin və İdarə Heyətinin üzvləri adından təbrik edərək, yubilyara “Fəxri Ağsaqqal” döş nişanını təqdim edib, ona gələcək fəaliyyətində uğurlar arzulayıb. Azərbaycan Qızıl Aypara Cəmiyyətinin prezidenti, millət vəkili Novruzəli Aslanov Azərbaycan Ağsaqqallar Şurasının tərəfindən ona göstərilən bu yüksək etimada görə həm Şuranın sədri, millət vəkili, professor Eldar Quliyevin və İdarə Heyətinin üzvlərinə öz minnətdarlığını bildirib və yeni nəşr olunmuş kitabını Azərbaycan Ağsaqqallar Şurasına hədiyyə edib.
