ÜST-ın 67-ci Assambleyasında (19-24 may 2014-cü il) 194 ölkənin iştirakı ilə autistik spektrli olan psixi pozuntularına dair fəaliyyətlərin geniş həyata keçirilməsinə dair fəaliyyət planlarını təsdiq etmişdir. Eyni zamanda tibbi işçilər və xüsusilə valideynlər üçün nəzərdə tutulan bir sıra tövsiyyələr də hazırlanmışdır.
2 Aprel tarixi BMT tərəfindən Ümumdünya Autizm Günü kimi qəbul edildikdən sonra dünyada məşhur “Autism speaks” cəmiyyəti bu günlə əlaqədar “Light it up Blue” (“Mavi İşıqla İşıqlandır”) layihəsini həyata keçirir. Həmin gün dünyanın müxtəlif ölkələrində binalar autizmi simvolizə edən mavi rəngdə işıqlandıraraq 2 Aprel tarixinin Ümumdünya Autizm Günü olduğunu insanlara çatdırır. Məqsəd əhali arasında autizmlə əlaqədar maarifləndirilməni artırmaq və autizmli insanların həyat keyfiyyətinin yaxşılaşdırılmasına kömək etməkdir. 2010-cu ildə ABŞ-da həyata keçirilən “Mavi İşıqla İşıqlandır” layihəsi hazırda 6 qitə, 136 ölkə və 600 şəhəri əhatə edir.
Azərbaycan bu layihəyə Heydər Əliyev Fondu və BMT-in Uşaq Fondunun (UNİCEF) dəstəyi ilə 2012-ci ildə Ümumdünya Autizm Günündə qoşulub.
2016-cı ildə Azərbaycanda bu günün qeyd olunması bir çox dövlət və QHT-larla əməkdaşlıq çərçivəsində, beynəlxalq mütəxəssislərinin iştirakı ilə geniş tədbirlər həyata keçirilir. Aprel ayının 2-də Bakıda “Alov qüllələri” mavi rəngdə işıqlandırılmışdır.
Əhali arasında autizm barədə maarifləndirici tədbirlərin keçirilməsi AzQAC-in “İcmaya əsaslanan sağlamlıq” proqramı çərçivəsində, psixi sağlamlığın təbliğatı fəaliyyətlərinə aid olduğundan, aprel ayının 1-də Sabunçu rayonun Bakıxanov qəsəbəsində, Kürdəxanı kəndinin 113 saylı tam orta məktəbin müəllim heyyəti, aprel ayının 4-də isə təkmilləşdirmə kurslarında iştirak edən həkim pediatrlar üçün autizm haqqında geniş məlumatlar təqdim edilmiş, İçtimai Səhiyyə və İslahatlar Mərkəzi tərəfindən hazırlanan əyani vəsaitlər paylanılmşdır. Dünya autizm günü ilə əlaqədar AzQAC-in nümayyəndələri və könüllüləri bu tədbirlərə qatılaraq, fəal iştirak edirlər.
