Azərbaycan Qızıl Aypara Cəmiyyəti Sumqayıt şəhər bölməsi könüllülərin maraq dairəsini nəzərə alaraq ingilis dili dərsi təşkil etmişdir.

29 may 2016-cı il tarixində kursun ilk dərs günü baş tutdu. Kurs bölmənin könüllüsü Mirzəzadə Gülnar tərəfindən təmənnasız olaraq keçirilir. Danışıq dərsi müasir tədris vasitə və metodlarından, qrup işlərindən istifadə edilərək maraqlı üslubda təşkil olunmuşdu. Səmərəli keçən dərs müddətində bölmənin könüllüləri özlərini təqdim etməyi, öz maraqlarından ətraflı bəhs etməyi öyrənmişlər. Onlar öyrəndikləri yeni bilikləri dərs müddətində cümlələr qurmaqla və danışmaqla tətbiq etmişlər. Diskussiya formasında keçən dərsdə könüllülər onlardan soruşulan sualları ingiliscə cavablandırdılar. Kurs müddətində könüllülərin  yeni sözlər öyrənərək, ingiliscə danışıq bacarıq və vərdişlərini təkmilləşdirməsi məqsəd kimi qarşıya qoyulmuşdur.