1985-ci ildə iqtisadi və sosial inkişaf naminə hər il 5 dekabr BMT-nin Baş Məclisi tərəfindən Beynəlxalq Könüllülər Günü kimi qeyd edilməsi təklif olunub və həmin tarixdən bu gün qeyd olunur.
Azərbaycan Qızıl Aypara Cəmiyyətinin Gənclər və Könüllülər şöbəsinin 2016-2020-ci il strateji planının əsas məqsədi Gənclər və Könüllülərin idarəetmə sisteminin inkişaf etdirilməsi və bununla da sosial cəhətdən zəif müdafiə olunan və qayğıya ehtiyacı olan əhaliyə könüllü xidmətin səmərəliyinin artırılmasından ibarətdir.
Bununla əlaqədar olaraq, Bilik Fondunun və Azərbaycan Qızıl Aypara Cəmiyyətinin Gənclər Komitəsinin, Gənclər və könüllülər şöbəsinin, Sumqayıt ŞB-nin təşkilatçılığı ilə bilik yarışması keçirildi. Tədbir 6 dekabr tarixində Bakı şəhərində yerləşən Akademiyanın Milli Kitabxanasında baş tutdu. Tədbirin mahiyyəti bütün təşkilatların gənc könüllülərini bir araya toplayaraq, onların bir-biri ilə tanış olması, ünsiyyət qurması, əməkdaşlıq etməsi və aralarında intellektual səviyyədə müxtəlif yarışların keçirilməsi idi.
Yarışmada Bilik Fondunun Könüllülər birliyi, “Asan” Könüllülər Gənclər təşkilatı İctimai Birliyi,Azərbaycan Tələbə Gənclər Təşkilatları İttifaqı,IV İslam Həmrəyliyi Oyunları Əməliyyat Komitəsi,”Formula-1″yarışı üzrə Avropa Qran-Prisinin könüllüləri və Azərbaycan Qızıl Aypara Cəmiyyətinin könüllüləri iştirak edirdi.Qızıl Aypara Cəmiyyətini AzQAC Sumqayıt şəhər bölməsinin könüllüləri təmsil edirdilər.Yarışın qalibi AzQAC-nin könüllüləri olaraq,birinciliyi əldə etmişdilər. İştirakçılara Bilik Fondu tərəfindən kitablar və tərifnamələr təqdim edildi. I yerə çıxan Qızıl Aypara Cəmiyyətinin könüllülərinə isə diplom, kubok və kitab kuponları hədiyyə edildi.
Biz də Cəmiyyət olaraq bütün könüllüləri təbrik edirik və tədbirdə əməyi keçən hər bir kəsə öz təşəkkürümüzü bildiririk.
