Gənclər günü MDB məkanında və Şərqi Avropa ölkələri arasında ilk dəfə olaraq məhz Azərbaycanda Ümummilli liderimiz Heydər Əliyevin 1996-cı ildə imzaladığı sərəncama əsasən qeyd olunmağa başlamışdır. Bu, Ulu öndərin gəncliyə göstərdiyi diqqət və qayğının bir nümunəsi idi.
Sumqayıt şəhər Gənclər və İdman Baş İdarəsinin və AzQAC Sumqayıt şəhər bölməsinin birgə təşkilatçılığı ilə 2 fevral- “Azərbaycan Gəncləri Günü” münasibətilə tədbir keçirilmişdi. “Shanı Sweet House” restoranında baş tutan tədbirdə Gənclər və İdman Baş idarəsinin, Respublika Qızıl Aypara Cəmiyyətinin, FHN Sumqayıt Regional Mərkəzinin, Azərikimya İB-nin, KİV-in, Sumqayıt Dövlət Universitetinin,Tibb Kollecinin,Texniki Kollecin, Sumqayıt Gənclər evinin, Asan Xidmətin, AzQAC Sumqayıt bölməsinin gəncləri və könüllüləri iştirak edirdilər. Tədbir “Nice” rəqs qrupunun ifasında gözel rəqs edərək başlanıldı. Aparıcılar tədbir iştirakçılarını salamladıqdan sonra tədbiri açıq elan etmək üçün söz AzQAC Sumqayıt şəhər bölməsinin sədri Mətanət Məhərrəmovanı və İdman və Gənclər Baş İdarəsinin gənclər üzrə iş sektorunun müdiri Ceyhun Hüseynovu verildi. Mətanət Məhərrəmova ölkəmizdə gənclərə olan diqqətdən, respublika prezidentimiz İlham Əliyev cənablarının və xanımı Mehriban xanım Əliyevanın gənclərə olan diqqət və qayğısından söz açdı.Daha sonra o, bölmənin fəaliyyətində gənclərin böyük rolundan danışaraq və onları bayram münasibətilə təbrik etdi. Ceyhun Hüseynov öz çıxışında Sumqayıt gənclərinin fəaliyyəti və uğurlarından söz açdı. Sonra Qızıl Aypara Cəmiyyəti, Gənclər və İdman Baş İdarəsi və AzQAC Sumqayıt şəhər bölməsi tərəfindən hazırlanan Fəxri Fərmanlar və Təşəkkürnamələr il ərzində aktiv əməkdaşlıqda fərqlənən idarə-müəssisə, KİV nümayəndələrinə, bölmənin fəaliyyətində daha fəal iştirak edən könüllülərə təqdim olundu. AzQAC Sumqayıt şəhər bölməsinin fəaliyyətində gənclərin rolu və könüllülərin təbriklərindən hazırlanan videoçarxlar nümayış olundu Tədbirin davamı olaraq əyləncəli hissə başladı və bir-birini əvəz edən musiqi sədaları altında gənclər rəqs edib şənləndilər. Tədbirin sonunda xatirə şəkilləri çəkdirildi. Əziz gənclər, bayramınız mübarək!
