Azərbaycan Qızıl Aypara Cəmiyyəti Suraxanı rayon bölməsi Suraxanı Qadınlar cəmiyyəti və “ Xəzər Qayğıkeşlik Layihəsi “ Humanitar İctimai birliyi ilə birgə 24 may 2018-ci il tarixində qeydiyyatında olan 37 nəfər tənha, kimsəsiz qoca , aztəminatlı ailələr üçün təmənnasız gözlərinin müayinəsini təşkil edib. “Xəzər Qayğıkeşlik Layihəsi “ Humanitar İctimai birliyi həkim kollektivi onlara müraciət edən imkansız insanların gözlərini müayinə edərək gözlərindəki problemlə bağlı diaqnozlar qoyublar, müalicə yazıblar və zəif görən, eynəyə ehtiyacı olanları pulsuz eynəklə təmin ediblər. Müayinədən razı qalan xəstələr bu tədbiri təşkil edən Suraxanı RB sədri Turan Hüseynovaya və Suraxanı Rayon Qadınlar cəmiyyətinə və “Xəzər Qayğıkeşlik Layihəsi “ Humanitar İctimai birliyin rəhbərliyinə öz minnətdarlıqlarını bildiriblər.
