Hörmətli cənab prezident,

Milli Cəmiyyətinizə bu yaxın günlərdə etdiyim səfər zamanı məni səmimi şəkildə qəbul etdiyiniz üçün Sizə, könüllülərinizə və işçi heyətinizə öz səmimi təşəkkürümü bildirirəm.

Azərbaycan Hökuməti ilə Milli Cəmiyyət arasındakı effektiv əməkdaşlığın şahidi olmaq mənim üçün xüsusilə xoş idi. Habelə Azərbaycan Qızıl Aypara Cəmiyyətinin oynadığı yardımçı rola tam dəstək verildiyini görməkdən çox məmnun qaldım.

Əməkdaşlığa dair keçirdiyimiz məhsuldar və faydalı müzakirələri yüksək dəyərləndirdim. Hökumətinizlə imzaladığımız Anlaşma Memorandumu həmin əməkdaşlığı yerli, regional və qlobal səviyyədə genişləndirmək işində önəmli ilk addımdır. Sizinlə sıx şəkildə işləməyi səbirsizliklə gözləyirəm. Habelə Sizin yardımçı rolunuz vasitəsilə Azərbaycan hökuməti ilə qarşıdan gələn aylarda və illərdə sıx şəkildə işləməyi və Anlaşma Memorandumu ruhuna uyğun şəkildə partnyorluğu gücləndirməyi səbirsizliklə gözləyirəm.

Hökumət dairələri ilə qurmuş olduğunuz çox gözəl işçi əlaqələri və partnyorluq üçün Sizi və Sizin komandanızı təbrik edirəm və Sizinlə olan əməkdaşlığımızı genişləndirməyi səbirsizliklə gözləyirəm.

Beynəlxalq Qızıl Xaç və Qızıl Aypara Cəmiyyətləri Federasiyası hər zaman Sizin tərəfinizdə və yanınızda olacaqdır. Sizi əmin edirəm ki, biz bundan sonra da Sizlərə davamlı şəkildə dəstək verəcəyik.

Hörmətlə,

Səmimi və şəxsi salamlarla,

Elhaj As Si