07 avqust 2018-ci il tarixdə təxminən saat 9:30-radələrində Tovuz rayon Əlibəyli kənd sakinləri Mehdiyev Elşad Vidadi oğlu və Hüseynov Elgün Fərrux oğlu Əlibəyli kəndinin Ermənistan ilə sərhəd yaxınlığında mal-qara otararkən piyadalar əleyhinə olan minaya düşüblər. Hər ikisi də xəsarət aldıqları üçün Tovuz rayon xəstəxanasına gətirilmişlər, hal-hazırda xəstəxanada müalicə olunurlar.
Mehdiyev Elşad Vidadi oğlu 02 yanvar 1994-cü ildə Əlibəyli kəndində anadan olmuş, həmin kənddə yaşayır, orta təhsillidir, hər iki qıçından, sinəsindən, qollarından qəlpə zədələri almışdır, subaydır işləmir.
Hüseynov Elgün Fərrux oğlu 06 may 2004-cü il tarixdə Əlibəyli kəndində anadan olub, orta məktəbdə oxuyur, Əlibəyli kəndində yaşayır.
Sol ayağının dizdən aşağı hissəsindən amputasiya olunub, sağ ayağından, bədənin müxtəlif hissələrindən xəsarət alıb, vəziyyəti ağır qiymətləndirilir.
Məlum hadisə ilə əlaqədar AzQAC-nin Tovuz rayon bölməsinin əməkdaşları Tovuz rayon xəstəxanasında zərər çəkmiş mülki şəxslərə baş çəkdilər
