Müqəddəs Qurban Bayramı münasibəti ilə adının hallanmağını istəməyən xeyirxah insan tərəfindən AzQAC Sumqayıt şəhər bölməsinin qeydiyyatında olan 61 nəfər daha ehtiyaclı ahıla ərzaq yardımı və qurban əti paylanıldı. AzQAC Sumqayıt şəhər bölməsinin sədri Mətanət Məhərrəmova bölmə və humanitar yardım alan ehtiyaclı ahıllar adından xeyrixah insana minnətdarlığını bildirdi onları Müqəddəs Qurban Bayramı münasibətilə xoş arzularla təbrik etdi. Ahıllar da öz növbələrində onlara göstərilən diqqət və qayğı üçün mərhəmətli insana öz xeyir-dualarını bildirdilər.Bölməyə gəlmək iqtidarında olmayan yataq xəstələrinə yardımlar bölmənin könüllü heyəti tərəfindən evlərində çatdırıldı. Bayramınız mübarək!