Bugün “Carlsberq Azerbaijan” MMC-də Obyekt Mülkü Müdafiə praktiki təlim məşqi keçirilmişdir.Məşqdə Sumqayıt şəhər Regional Mülki Müdafiə Şöbəsinin nümayəndələri , şöbənin rəisi polkovnik-leytenant Emil Əliyev, “Carlsberq Azerbaijan” MMC-nin rəhbərliyi, Fövqəladə Hallar Komissiyası, MMQ, mülki müdafiə dəstələri və dəstələrə cəlb olunmayan işçilər,FHN Sumqayıt Regional Mərkəzinin xilasediciləri və Abşeron rayon DYMH ,tibb işçiləri, Az.QAC Sumqayıt şəhər bölməsinin müavini Şəhriyar Əliyev olmaqla bölmənin 12 nəfərdən ibarət FMKD aktiv üzvləridə iştirak etmişdir.

Təlimin məqsədləri:

  – “Carlsberq Azerbaijan” MMC-nin mülki müdafiə planının reallığının, əhalinin və işçlərin fövqəladə hadisələr zamanı mühafizə olunmasının təşkilinin yoxlanması.

  – Fövqəladə hadisələr zamanı xilasetmə və digər təxirəsalınmaz işləri yerinə yetirərkən rəhbər heyətə qərar qəbul etmək bacarığının təkmilləşdirilməsi.

        – Mülki müdafiə dəstələrinin fövqəladə hadisələr gözlənilərkən və ya baş verərkən onların  nəticələrinin aradan qaldırılması zamanı əməli vərdişlərin öyrədilməsi idi.

 «Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə olunmasının təşkili» mövzusunda keçirilən növbəti öbyekt təlim məşqi çox uğurla başa çatmışdır.

Məşqin sonunda ənənəvi olaraq  xatirə şəkilləri çəkilmişdir.