Azərbaycan Qızıl Aypara Cəmiyyəti Regional Mərkəzlər  və Yerli  Bölmələr vasitəsilə  ölkədə humanitar, tibbi-sosial sahələri üzrə  fəaliyyət göstərən yerli hökumət və QHT-la əməkdaşlıq çərçivəsində  əhali arasında mütəmadi geniş xeyriyyə tədbirlərini  həyata keçirir. Belə ki, aprel ayının 19-da AzQAC Binəqədi rayonu üzrə Qadınlar Cəmiyyəti ilə birgə Bakı şəhəri Binəqədi, Sabunçu, Nəsimi rayonlarda yaşayan aztəminatlı ailələrdən olan, sağlamlıq imkanları məhdud olan gənc qızlar və qadınlar (miqrantlar daxil olmaqla) üçün  xeyriyyə tədbiri təşkil olunmuşdur. Tədbirə cəlb olunanlar üçün yemək süfrəsi hazırlanmışdır. AzQAC-in “İcmaya əsaslanan sağlamlıq” proqramının  kordinatoru Mətanət Qaraxanova Beynəlxalq Qızıl Xaç və Qızıl Aypara Hərəkatın 7 Prinsipləri,  Milli Cəmiyyətlərin (AzQAC daxil olmaqla)  dünyada zavallı insanların ehtiyaclarını nəzərə alıb, onlara qayğı və xidmətləri təşkil etməsi və humanitar yönümlü tədbirlərə xeyriyyəçi insanların cəlb olunmasının əhəmiyyəti barədə  məlumatları tədbir iştirakçılarına  təqdim etmişdir. O,  tədbirin ərsəyə gəlməsində Binəqədi rayon üzrə Qadınlar Cəmiyyətin sədri İradə Hacıyevanın və digər cəlb olunan və fəal iştirak edən insanların fəaliyyətini xüsusilə vurğulamışdı. Bununla yanaşı, tədbirdə iştirak edən AzQAC-in miqrasiya şöbəsinin  Azərbaycan dili müəllimi Sona Hacıyeva, Sabunçu Rayon Bölməsinin sədri Elmira Məlikova xeyriyyə tədbirlərin keçirilməsinin  ehtiyaclı insanların yaşaması üçün vacib olduğunu  vurğulayaraq, çıxış etmişlər. Qadınlar bir birilə xoş söhbət etdilər, musigi dinlədilər. Xoş əhval-ruhiyyədə  keçən tədbirin sonunda hər bir iştirakçıya hədiyyə təqdim edilmişdir.