S.Vurğun adınna Mərkəzi Kitabxananın Uşaq Şöbəsinin təşəbbüsü, AzQAC Sumqayıt şəhər bölməsinin  xətti ilə “Qayğı və istilik bəxş elə “ adlı xeyriyyə tədbiri keçirildi. Tədbirdə AzQAC Sumqayıt bölməsinin sədri Mətanət Məhərrəmova, S.Vurğun adına Mərkəzi kitabxananın Uşaq Şöbəsinin müdiri Yeganə Hüseynova çıxış edərək bildirmişdilər ki, xeyirxahlıq, mərhəmət və humanizm insanı daxilən saflaşdıraraq başqalarının gözündə ucaldan, insanlığın zinətinə çevrilən ali dəyərlərdən sayılır. Yıxılanı ayağa qaldırmaq, kimsəsizə əl tutmaq, ehtiyacı olana yardım etmək eyni zamanda Azərbaycan xalqının tapındığı yüksək milli-mənəvi, dini dəyərlərdən irəli gəlir.AzQAC Sumqayıt şəhər bölməsinin sədri Mətanət Məhərrəmova belə xeyirxah tədbirə vəsilə olduqları ücün Səməd Vurgun adına Mərkəzi Kitabxananın Uşaq şöbəsinin müdiri Yeganə xanım Hüseynovaya öz adından və ahıllar adından təşəkkürünü bildirərək,belə tədbirin digər idarə və təşkilatlara da örnək olacağından əminliyini bildirdi. Ahıllar bu xeyirxah addıma , dəyərli missiyaya görə təşəbbüskarlara və təşkilatçılara minnətdarlığını bildirdilər.Tədbirin sonunda 20 imkansız ahıla kitabxananın uşaq şöbəsi tərəfindən hazırlanmış Qurban payı verildi.Yataq xəstələrinə Qurban payları könüllülər tərəfindən evlərinə catdırıldı. Allah qəbul eləsin!