26 sentyabr tarixində Bərdə şəhərində FMKD üçün növbəti simulyasiya məşğələsi baş tutub. Məşğələdə FMKD-ın Sumqayıt şəhər bölməsinin, Qazax, Füzuli, Ağdam və Tərtər rayon bölmələrinin, Beynəlxalq Federasiyanın Cənubi Qafqaz ölkələri üzrə Nümayəndəliyinin Başçısı xanım Olga Dzhumaeva, Beynəlxalq Qızıl Xaç Komitəsinin (BQXK) və Azərbaycan Qızıl Aypara Cəmiyyətinin (AzQAC) Baş Qərargahdan olan nümayəndələr iştirak etdilər.
Məşğələ zamanı AzQAC könüllüləri təlimlər zamanı qazandıqları bilik və bacarıqlarını istifadə etmək şansı əldə etdilər. Könüllülər, ilk yardım, psixoloji dəstək, iqtisadi təhlükəsizlik, silahlara qarşı mübarizə və kommunikasiya sahələrində əvvəlcədən hazırlanmış senariyə əsasən öz bacarıqlarını nümayiş etdirdilər.
Tədbir Sahə Əməliyyatlar Koordinatorları və proqram menecerlərinin könüllülərə brifinqi ilə başladı və yekunda proqram menecerlərinin şərhləri ilə bitdi.
