Azərbaycan Qızıl Aypara Cəmiyyətinin “İcmaya əsaslanan sağlamlıq”proqramı çərçivəsində Regional Mərkəzlər və Yerli Bölmələr vasitəsilə əhali arasında səhiyyə maarifləndirici görüşləri təşkil edir.
Belə ki, 2020-ci il fevral ayının 5-də, Cəmiyyətin “İcmaya əsaslanan sağlamlıq” proqramı çərçivəsində Tovuz rayonu N. Tusi adına təbiət və texniki təmayüllü məktəb-liseyin 7 l sinif şagirdləri üşün sağlamlıqla bağlı seminar keçirildi. Proqramın kordinatoru Mətanət Qaraxanova İlk öncə şagirdlərə Beynəlxalq Qızıl Xaç və Qızıl Aypara Hərəkatın və AzQAC yaranma tarixi, Fundamental Prinsiplər, həyata keçirilən fəaliyyətlər barədə məlumatları təqdim etdi. Xüsusi olaraq, M.Qaraxanova şagirdlərə “Sağlam həyat tərzi” –in anlayışını, daxil edilən mövzuların geniş izahı etdi. O, uşaqların sağlam böyüməsi üçün şagirdlərlə birgə müəllimlərin və valideynlərin uşaq hüquqlarının qorunması, onların müdafiəsi, sağlam həyat tərzinin təbliğinə dair geniş və mütəmadi maarifləndirici tədbirlərin həyata keçirilməsinin vacibliyi barədə xüsusi vurğuladı. Şagirdlər görüşdən məmnun olduqlarını və belə görüşlərin mütəmadi keçirilməsi istəklərini səsləndirdilər. Sonda şagirdlərlə xatirə şəkil çəkildi.