Azərbaycan Qızıl Aypara Cəmiyyətinin bir sıra  könüllüləri müxtəlif  tədbirlərin həyata keçirilməsində təşəbbüs  irəli sürərək, fəal iştirak  edirlər. Belə könüllülərdən biri Sevinc Ağaxəlil qızıdır. Onun bir sıra məqalə və şeirləri, dəstəklənən və iştirak  etdiyi tədbirlər barədə məlumatlar  Cəmiyyətin “Yeni Təfəkkür qazetində mütəmadi dərc olunur.

Məlumdur ki,  Qurban Bayramında qurbanlar kəsilir və ehtiyacı olan insanlara paylanılır. Bu  ərəfədə bununla yanaşı digər  xeyirxah yönümlü tədbirlər də  təşkil olunur.

Belə ki, qarşıda gələn Qurban Bayramı ilə əlaqədar AzQAC-nin fəal könüllüsü  Sevinc Ağaxəlil qızının   təşəbbüsü ilə,  AzQAC-in “İcmaya əsaslanan sağlamlıq” proqramının rəhbəri Mətanət Qaraxanovanın və   gənc Əzəmət Fərəcovanın iştirakı ilə sentyabr ayının 19-da uşaq psixo-nevroloji mərkəzində müalicə olunan xəstə uşaqlarla görüş  təşkil olunmuşdur. İlk öncə mərkəzin  rəhbəri  İradə Musayeva mərkəzdə psixo-nevroloji xəstə uşaqlara ( onlardan bir çoxu valideynlər tərəfindən atılmış uşaqlardır) təşkil olunan xüsusi tibbi xidmət haqqında geniş məlumat vermişdi. Könüllülər  uşaqlara rəngli şəkilli  kitabları  nümayiş edərək, onları maraqlandıran sualları açıqladılar. Görüş zamanı, uşaqlar mahnı ifa edib,  şeirlər söylədilər. Sevinc Ağaxəlil qızı 11 yaşlı Fərid Həbiblinin rəsmlərini mərkəzə hədiyyə etdi. Bununla yanaşı   mərkəzə  humanitar yardım  (şirniyyat və gigyenik dəstlər) da təqdim edilmişdir