Azərbaycan Qızıl Aypara Cəmiyyətini “İcmaya əsaslanan sağlamlıq” proqramı çərçivəsində oktyabr ayının 14-də  “Hayat Beynəlxalq Humanitar Təşkilatının  “Qadın və Gənclər Mərkəzi”-də  Əfqan, Çeçen icmalarından olan qızlar və qadınlara sağlamlıq üzrə növbəti  seminar  təşkil olunmuşdur.  Görüşün məqsədi, qadınlar arasında sağlam həyat tərzi və psixi sağlamlıq barədə, onların həyat tərzində olan davranışların dəyişməsi ilə bağlı  məlumatların çatdırılması idi.  Seminarı keçirən AzQAC-in “İcmaya əsaslanan sağlamlıq” proqramının rəhbəri Mətanət Qaraxanova  iştirakçılara sağlam həyat tərzinə aid olan mövzular və xüsusi olaraq  psixi sağlamlıqla bağlı vacib məsələləri  qeyd etdi.  Məlumatları çatdırandan sonra  hər bir iştirakçıya onun həyat tərzinin neçə olması barədə  məlumatı  paylaşmaq imkanı yaradıldı.  Məlumatlardan müəyyən oldu ki, iştirakçılar  öz həyatlarında bir çox problemlərlə (işsizlik, dil problemi, xroniki xəstəliklər, zərərli vərdişlərə alüdəçilik və s.) üzləşir və daim gərgin vəziyyətdə yaşayır. Buna görə onlar öz narahatlıqlarını bildirmişlər və bu kimi görüşlərin  onlara müsbət təsir etdiyini  və müntəzən olaraq keçirilməsi arzusunu  xüsusi vurğulamışlar