Gənclərin dünyagörüşünün formalaşmasında, onların aktivliyinin artmasında sosial şəbəkələrin əhəmiyyətli rolu artıq bütün dünyada etiraf olunur. Şəbəkələrdə hər hansı bir məsələ ilə əlaqədar təbliğat aparmaq, fikirlər paylaşmaq mümkün olur ki, bunun da təsirinin digər təbliğat vasitələrindən daha geniş istifadəsi məlumdur. Müasir dünyada gənclərin sosial şəbəkələrdən ən müxtəlif maraqlarını təmin etmək üçün də istifadə edir. Azərbaycan ərazisində internet istifadəçilərinin sayı artdıqca, gənclərimiz də sosial şəbəkələrə daha çox qoşulmağa başlayıb. Son zamanlar qan donorluğu ilə bağlı məsələlər elə şəbəkə vasitəsilə daha çox paylaşan məsələlərdəndir. Qana ehtiyacı olan insanların sosial şəbəkələr vasitəsilə qan donorlarının axtarması və qanverməyə cəlb edilməsi geniş şəkildə həyata keçirilir. Belə ki, son iki il ərzində bir neçə nəfər fəal internet istifadəçi gənclər sosial şəbəkə vasitəsi ilə qana ehtiyacı olan ailələrə dəstək olmaq marağında olub, onlar üçün qan donorların axtarışını təşkil edir. Qan donorlarını şəbəkə vasitəsilə ailələrə yönləndirirlər. Belə yolla qana ehtiyacı olan insanlar öz qan donorlarını tapır, bununla da onların həyatları xilas olunur. Amma gənclər başa düşür ki, bu işi həyata keçirmək üçü onlar daha məlumatlı olmalıdırlar ki, qan donorluğunun təşkilinə və digər məsələlərə aid verilən sualları düzgün cavablandırsınlar. Bununla bağlı bir neçə nəfər fəal gənc qan donorluğuna dair bilik və bacarıqları əldə etmək üçün bu sahədə böyük təcrübə qazanan AzQAC-nə müraciət etmişlər. Belə ki, “İcmaya əsaslanan sağlamlıq” proqramının rəhbəri Mətanət Qaraxanova tərəfindən gənclərlə AzQAC-in ofisində görüş keçirmişdir. Görüşdə gənclərə qan donorluğunun tarixi, qan və qan xəstəlkləri, qan donorluğunun təbliğat yönümlü fəaliyyətlərinin həyata keçirilməsi barədə prezentasiya şəklində, əyani vasitələrinin nümayişi ilə geniş məlumatlar təqdim edilmişdir. Sonda gənclər bu görüşdə əldə etdikləri qan donorluğuna dair biliklərin social şəbəkə vasitəsilə təbliğatda kömək olacağını qeyd etmişlər. AzQAC tərəfindən qan donorluğuna aid hazırlanan vərəqələr də gənclərə paylanıldı
