Ulu öndər Heydər Əliyevin 1993-cü ildə ikinci dəfə hakimiyyətə gəldikdən sonra Azərbaycan respublikasının inkişafında və xalqımızın həyatında olduğu kimi  Azərbayan Qızıl Aypara Cəmiyyətinin inkişafında da böyük dönüş olmuşdur. Məhz Umummilli lider Heydər Əliyevin bilavasitə təşəbbüsü ilə 1994-cü il noyabr 25-də Azərbaycan Respublikasının Milli Məclisi yeganə müstəqil, neytral, vahid humanitar təşkilat olan Azərbaycan Qızıl Aypara Cəmiyyətini ölkədə Beynəlxalq Qızıl Xaç və Qızıl Aypara Hərəkatının yeganə üzvü kimi rəsmən tanımışdır. Bu gündən etibarən Cəmiyyətə dövlət qayğısının əsası qoyulmuşdur.

Bu hadisədən sonra 1995-ci il noyabrın 1-də  Azərbaycan Qızıl Aypara Cəmiyyəti Beynəlxalq Qızıl Xaç Komitəsi Tərəfindən rəsmən tanınmışdır. 1995–ci il noyabr 26-da isə  AzQAC Beynəlxalq Qızıl Xaç  və  Qızıl Aypara Cəmiyyətləri Federasiyasının daimi, bərabər hüquqlu, həqiqi üzvü seçilmişdir