18-19 avqust 2022-ci il tarixlərində AzQAC və BQXK- nin təşkilatçılığı ilə Bərdə rayonunda 2 günlük Beynəlxalq Qızıl Xaç və Qızıl Aypara hərəkatı haqqında Yayım sessiyası təşkil olundu. Təlimdə AzQAC-ın Sumqayıt, Füzuli, Ağdam, Tərtər, Bərdə, Qazax rayon bölmələrindən seçilmiş 12 könüllü iştirak edirdi. Təlimin əsas məqsədi könüllülərin bu istiqamət üzrə bilik və bacarıqların artırılması idi. Təlimdə ilk öncə könüllülərə hərəkatın komponentləri, emblemləri və fundamental prinsipləri barədə ətraflı məlumat verildi. Daha sonra təqdimat bacarıqlarının inşikafı üçün xüsusi sessiya keçirildi. Növbəti hissədə isə AzQAC-ın sosial media siyasəti barədə geniş məlumat verildi. Təlimin 1-ci gününün sonunda isə könüllülər öz təqdimatlarını hazırlayaraq, auditoriya qarşısında çıxış etdilər. Təlimin 2-ci günü də təqdimatların edilməsi ilə davam etdi. Sonda xatirə şəkili çəkildi.
