Azərbaycan Qızıl Aypara Cəmiyyətinin (AzQAC) həyata keçirdiyi humanitar fəaliyyətlərin bir hissəsi olaraq AzQAC rayon bölmələri mütəmadi olaraq ehtiyaclı insanlara humanitar yardımlar göstərir.
Cəmiyyətin Cəbrayıl rayon bölməsi də öz növbəsində rayon bölməsinin qeydiyyatında olan aztəminatlı ailələrə dəstəyini davam etdirir. Belə ki, müraciət əsasında rayon bölməsi tərəfindən bölmənin qeydiyyatında olan aztəminatlı ailələrə ərzaq yardımı paylanılıb.
Benefisiarlar da onları daima diqqət mərkəzində saxlayan AzQAC-ın Cəbrayıl rayon bölməsinin sədrinə, könüllülərinə və xeyirxah şəxslərə öz minnətdarlıqlarını bildiriblər.
