23-24 may 2023-cü il tarixlərində Azərbaycan Qızıl Aypara Cəmiyyətinin İcraçı katibi Ceyhun Mirzəyev və Vitse-prezidenti Qafar Əsgərzadə Azərbaycan Milli Elmlər Akademiyasının Mərkəzi Elmi Kitabxanasında Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyası, Azərbaycan Milli Elmlər Akademiyasının Arxeologiya, Etnoqrafiya və Antropologiya İnstitutu və Beynəlxalq Qızıl Xaç Komitəsinin Azərbaycandakı Nümayəndəliyi birgə “Məhkəmə arxeologiyası və antropologiyası: humanitar tədbirlər” mövzusunda I beynəlxalq konfransda iştirak edib.
Tədbirin məqsədi itkin düşmüş şəxslərə aid məzar yerlərində ekshumasiya işləri ilə bağlı ekspertlər arasında texniki biliklərin və çöl işləri təcrübəsi, o cümlədən beynəlxalq məhkəmə-tibbi ekspertləri ilə əlaqənin qurulması vasitəsilə Azərbaycanda məhkəmə arxeologiyası və antropologiyasının inkişafına töhfə verməkdir.