May ayının 10-u xalqımızın ümummilli lideri, çoxəsrlik Azərbaycan tarixində misilsiz xidmətləri ilə əbədiyaşar mövqe qazanmış Ulu öndər və Azərbaycan Qızıl Aypara Cəmiyyətinin Fəxri Üzvü Heydər Əliyevin anadan olduğu gündür.

Ulu öndər Heydər Əliyevin dəstəyi, diqqət və qayğısı ilə AzQAC-ın fəaliyyətinin gücləndirilməsi məqsədilə bir sıra Sərəncam imzalamış, qanunlar qəbul edilmiş, beynəlxalq aləmdə tanınan təşkilata çevrilmişdir.  Bu əlamətdar gün münasibətilə 96 illik şanlı, tarixi inkişaf yolu keçmiş Azərbaycan Qızıl Aypara Cəmiyyətinin rəhbərliyi, çoxsaylı kollektivi, üzvləri və könüllüləri bu dahi şəxsiyyətə öz dərin hörmət və ehtiramını bildirmək üçün “Fəxri Xiyaban”da onun məzarını ziyarət etmiş, abidəsi önünə çiçəklər düzmüş, ruhuna dualar oxumuşlar.