Hər il dünyada 14 İyun Ümumdünya Qan Donor Günü qeyd edilir.
2005-ci ildən etibarən ( 2005-ci ilin May ayında Cenevrə şəh. 58-ci Ümumdünya Səhiyyə Assambleyasında Qətnamə qəbul edilmişdir. Bu qətnamədə hər il 14 İyun (Karl Landşteynerın doğum günü 14 iyun 1868 il, Ümumdünya Qan Donor Günü kimi qeyd etmək qərarı alınmışdır) dünyada ÜST tərəfindən hər il 14 İyun Qan donor günü kimi qeyd olunması tövsiyyə olunur. Məs bu gündə bu xeyirxah gözəl addıma – təmənnasız könüllü olaraq qan verib, xəstə insanların həyatını xilas etdiklərinə görə qan donorlara minnətdarlığımızı bildirmək imkanı yaradılır. Bu beynəlxalq səviyyədə donorlara göstərilən böyük hörmət və diqətin təzahürüdür.
Hər il dünyada 108 milyon doza qan toplanır. Azərbaycanda hemofiliya və talassemiya və digər qan xəstələrinin müalicəsində qan komponentlərinin və preparatlarının istənilən vaxtda əlçatan olması olduqca vacibdir və donor qanına tələbatı artırır. Ümumdünya Səhiyyə Təşkilatı (ÜST) bildirir ki, ən təhlükəsiz qanın mənbəyi daimi, könüllü və təmənnasız donorluqdur. Təhlükəsiz qan, onun komponentləri və preparatları hər il minlərlə hamiləlik və doğuş zamanı ağırlaşması olan anaları, körpələri, xəsarət alanları və digərlərini ölümdən xilas etməyə kömək edir. Ölkələrdə qan ehtiyatları məs elə könüllü mütəmadi və təmənnasız qan donorların hesabına toplana bilər.
“14 iyun – Ümumdünya Qan Donor Günü”nü qeyd etmək üçün və bununla da Azərbaycanda könüllü və təmənnasız qan donorluğunun inkişafına dəstək vermək məqsədilə Azərbaycan Qızıl Aypara Cəmiyyəti və “Layf” İçtimai Birliyi təşkilatları ilə birgə tədbir keçirilmişdir. Tədbirə hər iki təşkilatların könüllü mütəmadi qan donorları və qana ehtiyacı olan uşaqlar dəvət olunmuşlar.
Tədbir iki hissədən ibarət idi. Rəsmi hissədə təşkilatların nümayyəndələri, və Az.Respublikası Səhiyyə Nazirliyi İçtimai Səhiyyə və İslahatlat Mərkəzinin Layihələrin əlaqələndirilməsi şöbəsinin müdiri Səbinə Babazadə çıxış edərək, bu günün qeyd olunmasının Azərbaycanda könüllü mütəmadi qan donorluğunun inkişafına dəstək olması üçün vacib olduğunu vurğulayıb, qan donorlara minnətdarlıqlarını bildirmişlər. Rəsmi hissədən sonra AzQAC-in daimi əməkdaşlıq etdiyi AzRespublikası Səhiyyə Nazirliyi 1 saylı psixiatrik xəstəxanasının reabilitasiya şöbəsinin pasiyentləri və əməkdaşları, “Dostluq” ansamblı və digər könüllülər tərəfindən hazırlanan konsert proqramı ilə çıxış etmişlər. Tədbirdə iştirak edən qan donorlardan Elmira Məlikova, Zöhrə Zeynalova, Nəzakət Niftiyeva çıxışlarında mütəmadi qan verdikdə özlərini çox xoşbəxt hiss edir və bunu sevə-sevə etdiklərini vurğulamışlar. Tədbirdə iştirak edən AzQAC-in Sabunçu rayon bölməsinin 10 nəfər könüllü mütəmadi qan donorlarının rayon üzrə humanitar sahədə fəallığını xüsusi qeyd etmək lazımdır. “Qan bizi birləşirdirir” şüarı altında keçirilən tədbirdə qan donorlar talassemiya xəsə uşaqlarla rəqs edib birgə şənləndilər. 
