Azərbaycan Qızıl Aypara Cəmiyyəti Sumqayıt şəhər bölməsi könüllülərin maraq dairəsini nəzərə alaraq ingilis dili kursu təşkil etmişdir.

26 iyul 2016-ci il tarixində kursun ilk dərs günü baş tutdu. Kurs bölmənin könüllüsü Arzu Mustafazadə tərəfindən təmənnasız olaraq həftədə bir dəfə olmaqla keçirilir. Arzu müasir tədris vasitə və metodlarından, videoçarxlardan, qrup işlərindən, kağızlarla işdən istifadə edərək könüllülərlə maraqlı dərs keçmişdir. Səmərəli keçən dərs müddətində bölmənin könüllüləri özlərini təqdim etməyi, öz maraqlarından ətraflı bəhs etməyi öyrənmiş və ingilis frazeoloji birləşmələrindən bir neçəsi ilə tanış olmuşlar. Onlar öyrəndikləri yeni bilikləri dərs müddətində cümlələr qurmaqla və danışmaqla tətbiq etmişlər. Diskussiya formasında keçən dərsdə könüllülər onlardan soruşulan sualları ingiliscə cavablandırdılar. Kurs müddətində könüllülərin  yeni sözlər öyrənərək, ingiliscə danışıq bacarıq və vərdişlərini təkmilləşdirməsi məqsəd kimi qarşıya qoyulmuşdur.