7-9 sentyabr 2016-cı il tarixində Britaniya Qırmızı Xaç Cəmiyyəti İngiltərənin London şəhərində Kanada və İsveçrə Qırmızı Xaç Cəmiyyətlərinin, Beynəlxalq Qızıl Xaç Komitəsi və Beynəlxalq Qızıl Xaç və Qızıl Aypara Cəmiyyətləri Federasiyasının dəstəyi ilə “Fandreyzinq bacarıqlarının artırlması üzrə beynəlxalq təlim” keçirmişdir.
Hər il bu təlimdə 50-dən çox müxtəlif milli cəmiyyətlərdən, Beynəlxalq Federasiyasiya və Beynəlxalq Qızıl Xaç Komitəsindən 200-ə yaxın nümayəndə iştirak edir. Tədbir müddətində iştirakçıların dünyanın müxtəlif ölkələrindən olan həmkarları ilə görüşmə və öz bilik və bacarıqlarını bölüşmə şansları olur. Bu il “Fandreyzinq bacarıqlarının artırlması üzrə beynəlxalq təlimdə” dünyanın 65 müxtəlif ölkəsindən 280 nəfər nümayəndə öz milli cəmiyyətlərini təmsil etmişdirlər. Azərbaycan Qızıl Aypara Cəmiyyətinin adından Beynəlxalq Əlaqələr şöbəsinin assistenti Nigar Rüstəmzadə tədbirdə iştirak etmişdir.
