Azərbaycan Qızıl Aypara Cəmiyyətinin Gənclər və Könüllülər şöbəsinin 2016-2020-ci il strateji planının əsas məqsədi Gənclər və Könüllülərin idarəetmə sisteminin inkişaf etdirilməsi və bununla da sosial cəhətdən zəif müdafiə olunan və qayğıya ehtiyacı olan əhaliyə könüllü xidmətin səmərəliyinin artırılmasından ibarətdir.

Bununla əlaqədar olaraq, Azərbaycan Qızıl Aypara Cəmiyyətinin Gənclər Komitəsi, Gənclər və könüllülər, Miqrasiya, Sağlamlıq şöbələri və Sabuncu rayon bölməsinin  birgə təşkilatçılığı ilə  Gənclər arasinda görüş  kecirildi..

Görüş 9 fevral tarixində Sabuncu  rayonunda yerləşən 94 saylı orta məktəbdə   baş tutdu.

Tədbiri giriş sözü ilə Cəmiyyətin İcraçı Katibinin müavini, Gənclər və Könüllülər şöbəsinin müdiri Xalidə İsgəndərova açıq elan edərək bu günün mahiyyətindən söhbət açmışdır.

Tədbirin mahiyyəti Azərbaycanda kecirilən İslam həmrəylik oyunlarında gənclərin və könüllülərin  rolu  haqqında müzakirələrin aparılması idi. Belə ki, tədbir zamanı Gənclər qruplara ayrılaraq qruplarda  mövzu haqqında öz fikirlərini müzakirə edərək təqdimatlar etmiş və onları  maraqlandıran   suallar cavablandırılmışdır.

Sonda tədbirdə iştirak edən  müəllimlər və şagirdlər tədbirin ərsəyə gəlməsində Qızıl Aypara Cəmiyyətinin rəhbərliyinə, əməkdaşlarına və könüllülərinə keçirdikləri  tədbir üçün öz təşəkkürlərini bildirdilər. Biz də Cəmiyyət olaraq tədbirdə əməyi keçən hər bir kəsə öz təşəkkürümüzü bildiririk.

Bu cür tədbirlərimiz davam edir