Hər il olduğu kimi bu il də  Müqəddəs Ramazan ayında “Azərikimya” İB-nin maliyyə dəstəyi  ilə 9-ci mkrda  aztəminatlı sakinləri üçün AzQAC Sumqayıt şəhər bölməsinin kollektivi və könüllülərinin  iştirakı  ilə iftar süfrəsi təşkil olunmuşdur. Təşkil olunmuş  iftar süfrəsi iyun ayının

13 –da  həmin ərazidə yerləşən xeyir – şər evində 150 nəfərin iştirakı ilə baş tutdu. Könüllülərimiz  iftar süfrəsinin hazırlıq işlərini görmüş, süfrəyə gələcək təamları hazırlamış,  süfrəni bəzəyib, gələn qonaqları qarşılamış və onlara qulluq etmiş və xidmətlərində durmuşdurlar. Məclisi  axund  açaraq, bu ayın fəzilətlərindən, iftarın savablarından  danışmış və dualar oxumuşdur.O,iftarın təşkilində əməyi keçən təşkilatın nümayəndələrinə iştirakçılar adından minnətdarlıq etmiş, onlara can sağlığı, bol ruzi-bərəkət arzulamışdı. Bu xeyirxah missiyanı yerinə yetirməkdə onlara köməkçi olan Qızıl Aypara Cəmiyyəti Sumqayıt şəhər bölməsinin könüllülərinə ugurlar arzulamışdı. Tədbirdə iştirak edən ahıl insanların bəziləri çıxış edərək tədbirin təşkilatçılarına minnətdarlıqlarını bildirmiş, Müqəddəs Ramazan ayının gözəl xüsusiyyətlərindən olan bərabərlik və paylaşma ayında onlarla bir yerdə olduqlarından məmnunluq hissi kecirdiklərini bildirdilər.