Ölkəmizin paytaxtı Bakı şəhərində Avqust ayının 14-dən 18-nə kimi “Birlikdə Müsbət Dəyişikliyə doğru” şuarı altında 41-ci Ümumdünya Skaut Konfransı keçirilir. Beynəlxalq səviyyədə nəhəng qurumlar arası yaradılmış əməkdaşlıq çərçivəsində və koordinasiya anlayışından irəli gələrək Beynəlxalq Qızıl Xaç Qızıl Aypara Hərəkatınına daxil olan Azərbaycan Qızıl Aypara Cəmiyyəti və ona rəhbərlik edən Cəmiyyətin presidenti cənab Novruz Aslanov katibliyin məsul şəxsləri ilə birlikdə adı gedən konfransda Beynəlxalq Qızıl Xaç və Qızıl Aypara Cəmiyyətləri Federasiyasını təmsil edirlər. Beynəlxalq Qızıl Xaç və Qızıl Aypara Cəmiyyətləri Federasiyasının Baş Katibi cənab Elhadj As Sy tərəfindən Ümumdünya Skaut Hərəkatı Təşkilatının İcraçı Katibi cənab Əhməd Əlhendaviya Bakı şəhərində baş tutan bu möhtəşəm tədbirlə bağlı təbrik məktubu göndərilmişdir.
Əsas Konfransın məkanı – Bakı Konqres Mərkəzidir. Dünyanın təxminən 161 ölkəsindən gələn Skaut təşkilatların 1500 artıq üzvləri, dövlət və qeyri-dövlət təşkilatların nümayəndələri həftə ərzində maraqlı mövzular ətrafında müzakirələr aparacaq və tədbirlərdə iştirak edəcəklər. Eyni zamanda Konfrans zamanı bir sıra qətnamələrin, strateji əhəmmiyyət kəsb edən sənədlərin qəbul olunması, Gənclər Skaut Forumunun hesabatının təqdimatı nəzərdə tutulur.
Konfrans rəsmi açılışdan başlandı. Tədbirin açılışında Azərbaycan Respublikasının Gənclər və İdman Naziri cənab Azad Rəhimov Azərbaycan Respublikasının Prezidenti cənab İlham Əliyevin konfrans iştirakçılarına olan təbrik məktubunu təqdim etdi.
Qeyd etmək lazımdır ki, Dünya Skaut Konfransı idarəetmə orqanı, Skautinqin “Ümumi assambleya”sıdır və üzv olan Milli Skaut Təşkilatlarından ibarətdir. Onun funksiyası dünyada Skaut Hərəkatı siyasətini və standartlarını nəzərə alaraq Hərəkatın məqsədlərinə daha lazımlı cəhdlər etməkdir. Hər üç ildən bir üzv olan Milli Skaut Təşkilatlarının nümayəndələri 5 günlük görüşə toplanılır və bü günlər ərzində Skaut Hərəkatının Ümumdünya Təşkilatının axırıncı 2 il ərzində işində olan irəliləyişləri müzakirə edir, təcrübələri ilə bölüşür, uğurlar, nailiyyətləri qeyd edirlər.
Skaut Hərəkatının tarixi 1907-ci ilə şamil olunur. Hərəkat Lord Baden-Paul tərəfindən təsis edilmişdir. Hərəkat müasir gənc nəslin təhsil prosesində və gündəlik həyatında böyük və əvəzedilməz rol oynayır. Hal hazırda, Ümumdünya Skaut Hərəkatına 200-dən artıq dünya səviyyəsində tanınmış Təşkilatlar daxildir və tərkibində 40 milyondan çox fəal üzvü var. Ümumilikdə Skaut Hərəkatında 500 milyondan çox skaut qız və oğlan üzvü var.
Skaut Hərəkatı dünyada sülhün yaranmasına, digər xalqların adət-ənənə, din və cəmiyyətlərinə hörmətlə yanaşmağın, sevgi və tolerantliq hissini aşılamağın, kəşfiyyat, həyat tərzi, gənclik və məsuliyyətli vətəndaşlıq kimi anlayışların inkişafına böyük töhfədir.
Azərbaycanda Skautlar Assosiasiyası (ASA) 1997-ci il oktyabr ayında təsis edilmişdir. 20 avqust 2000-ci il tarixində ASA Ümümdünya Skaut Hərəkatının Avrasiya Skaut Regionuna fəal üzv kimi seçilmişdir.
Azərbaycan Qızıl Aypara Cəmiyyətinin nümayəndə heyyəti tədbir həftəsinin axırına qədər öz iştirakını təmin etməyə davam edəcək. 
