1985-ci ildə iqtisadi və sosial inkişaf naminə hər il 5 dekabr BMT-nin Baş Məclisi tərəfindən Beynəlxalq Könüllülər Günü kimi qeyd edilməsi təklif olunub və həmin tarixdən bu gün qeyd olunur.
Azərbaycan Qızıl Aypara Cəmiyyətinin Gənclər və Könüllülər şöbəsinin 2016-2020-ci il strateji planının əsas məqsədi Gənclər və Könüllülərin idarəetmə sisteminin inkişaf etdirilməsi və bununla da sosial cəhətdən zəif müdafiə olunan və qayğıya ehtiyacı olan əhaliyə könüllü xidmətin səmərəliliyinin artırılmasından ibarətdir.
Belə ki, 3 dekabr 2017 –ci il tarixində Könüllülər günü ilə əlaqədar İsmayıllı rayonunun Zərnava kəndinin əhalisi üçün təmənnasız tibbi müayinə tədbiri təşkil olunmuşdur. Tədbir Qızıl Aypara Cəmiyyətinin, Gənclər Komitəsi, Gənclər və Könüllülər, Fövqəladə Hallara Hazırlıq və Cavabvermə, Sağlamlıq və qayğı şöbələri,Sumqayıt RM , İsmayıllı rayon bölməsinin təşəbbüsü və Ismayıllı rayon xəstəxanası, İran İslam Respublikasının Qızıl Aypara Cəmiyyətinin Azərbaycanda fəaliyyət göstərən Klinikasının əməkdaşlığı ilə kecirilmişdir. Qeyd etmək lazimdir ki, Avstriya Qızıl Xaç Cəmiyyəti və Avstriya İnkişaf Agentliyinin maliyyə dəstəyi ilə həyata keçirilən “Təhlükəsiz və möhkəm icmaların qurulması” layihəsi bu tədbirin keçirilməsini dəstəkləmişdir
Ilk öncə Qızıl Aypara Cəmiyyətinin vitse-prezidenti Qafar Əsgərzadə cıxış edərək əhaliyə bu gün haqqında məlumat verilmiş, sonra isə İran İslam Respublikası Qızıl Aypara Cəmiyyətinin Azərbaycan Respublikasındakı Klinikasının 12 nəfərdən ibarət həkim heyəti ilə əhalinin tibbi müaniyəsinə start verilmiş və 250 nəfər tibbi müaniyədən keçmişdir.
Tədbir KİV-ri tərəfindən geniş işıqlandırılmışdır.
Sonda Qızıl Aypara Cəmiyyəti tədbirin keçirilməsində köməkliyə və göstərilən dəstəyə görə İsmayıllı rayon icra hakimiyyətinin rəhbərliyinə, əməkdaşlarına, Zərnava kəndinin orta məktəbinin direktoruna, müəllim heyətinə və İran İslam Respublikası Qızıl Aypara Cəmiyyətinin Azərbaycan Respublikasındakı Klinikasının baş həkiminə, həkim heyətinə və tədbirdə əməyi keçən bütün şəxslərə öz təşəkkürünü bildirir.
Tədbirlərimiz davam edir.
