14-15 mart tarixində AzQAC və BQXK Azərbaycan nümayəndəliyinin birgə təşəbbüsü ilə AzQAC Fövqəladə Mobil Könüllü dəstəsinin Ağdam komandası üçün Qızıl Xaç və Qızıl Aypara Cəmiyyətləri Hərəkatı ilə tanışlıq təlimləri keçirilmişdir. İki gün davam edən təlimdə 19 könüllü Hərəkata aid müxtəlif biliklərə yiyələndilər, hərəkatın tarixi və FMKD strukturu ilə tanış olmaq imkanı qazandılar. Bundan əlavə, onlar təhlükəsiz davranış qaydaları barədə də təqdimat aldılar. Təlimdə AzQAC İctimaiyyətlə Əlaqələr şöbəsinin müdir müavini Xalid Xəlilov, Mobil Könüllü dəstələtin koordinatoru Nigar Rüstəmzadə və BQXK Əməkdaşlıq şöbəsinin əməkdaşı Rasim Allazov təlimçi qismində iştirak etdilər.

13 mart tarixində AzQAZ Fövqəladə Mobil Könüllü dəstəsinin Tərtər rayon bölməsinin könüllüləri üçün isə aylıq görüş təşkil olundu. Görüş müddətində bu könüllülər də həmçinin Hərəkatın əsaslarına aid müxtəlif təqdimatlar dinlədilər.