Səfər zamanı Hany El Banna Azərbaycan Qızıl Aypara Cəmiyyətinin prezidenti, Milli Məclisin deputatı Novruz Aslanovla görüş keçiriblər. Öncə qonaqları salamlayan Cəmiyyətin prezidenti Novruz Aslanov 98 il şərəfli tarixi yol keçmiş təşkilatın respublikanın ictimai həyatındakı rolundan və humanitar sahədəki fəaliyyətindən bəhs edib. Ölkəmizdə keçirilən “VI Bakı Beynəlxalq Humanitar Forumu”nun tarixi hadisə olmasını xüsusi vurğulayıb. Azərbaycan Qızıl Aypara Cəmiyyətinin yerli hökumət strukturları və digər humanitar təşkilatlarlı ilə əməkdaşlığının bundan sonra daha da genişlənməsinə əminliyini ifadə etdi. Uzun illər AzQAC-ın BMT-nin müxtəlif strukturları ilə olan iş birliyindən söhbət açıb və bu tərəfdaşlıqdan məmnunluğunu bildirib.
Daha sonra söz cənab Hany EL Bannaya verilib .Cənab Banna öz növbəsində Azərbaycanda olmasından məmnunluğunu ifadə etmiş “VI Bakı Beynəlxalq Humanitar Forum”unun və Azərbaycana səfərinin yüksək səviyyədə təşkil olunduğuna görə təşəkkürünü bildirmişdir. Milli Cəmiyyətdə baş tutan görüşə görə Cənab Banna Cəmiyyətin prezidenti,Milli Məclisin deputatı cənab Novruz Aslanova öz minnətdarlığını bildirdi. Görüş zamanı Milli Cəmiyyətin fəaliyyətinə dair qısa videoçarx nümayiş etdirilib, həyata keçirilən layihələr, Azərbaycanda humanitar sahənin inkişafına dair bir sıra məsələlər və gələcək perspektivlər ilə əlaqədar müzakirələr aparılıb.
Görüşdə AzQAC-ın İcraçı Katibi Ceyhun Mirzəyev, İcraçı Katibin müavini Səbinə Məhbubi, İctimaiyyətlə Əlaqələr şöbəsinin müdiri Seymur Hümbətov iştirak etmişlər.
