Azərbaycan Qızıl Aypara Cəmiyyətinin baş ofisində Cəmiyyətin nümayəndələrinin və Qazaxıstanın “Ardager”, Qırğızıstanın “Yaşlılar üçün Resurs Mərkəzi” İctimai Birliyi və Qırğızıstan Qızıl Ayparasının nümayəndələrinin iştirakı ilə görüş təşkil edilmişdir. Görüşü giriş sözü ilə açan AzQAC-ın İcraçı Katibinin müavini Şaban Şayev qonaqları salamlayaraq onlara Cəmiyyətin prezidenti, Milli Məclisin deputatı cənab Novruz Aslanovun salamlarını çatdırdı. Qonaqlara Cəmiyyətimizə etdikləri səfərdən məmnunluq hissi duyduğunu qeyd edərək nümayəndə heyətini qonaqlara təqdim etdi. Daha sonra Cəmiyyətin yaranma tarixini və fəaliyyətlərini əks etdirən video çarx qonaqlara təqdim edildi.
Görüş zamanı söz alan AzQAC-ın Gənclər və Könüllülər şöbəsinin müdiri Xalidə İsgəndərova Cəmiyyətin fəaliyyət istiqamətlərindən bəhs etdi. Gənclər və könüllülər siyasətinin Cəmiyyət tərəfindən uğurla həyata keçirdiyindən bəhs etdi. AzQAC-ın həyata keçirdiyi layihələrdən danışdı. Könüllülərin Cəmiyyətin humanitar fəaliyyətlərinin həyata keçirməsindəki rolunun önəmindən bəhs etdi. Daha sonra çıxış edən Miqrasiya şöbəsinin müdiri Məmməd Kətanov çıxışında Azərbaycanda olan miqrantlarla bağlı görülən işlərdən danışaraq onlara təşkil edilən dil kurslarının və onlara göstərilən yardımların əhəmiyyətindən söz açdı. Həmçinin, AzQAC-ın həm Dövlət Miqrasiya Xidməti və Beynəlxalq Mirasiya Təşkilatı ilə olan anlaşma memorandumlarından danışdı.
Görüşdə AzQAC-ın İcraçı Katibinin müavinləri Şaban Şayev, Günel Məmmədzadə, Xalidə İsgəndərova, Miqrasiya şöbəsinin müdiri Məmməd Kətanov və İnformasiya şöbəsinin müdir müavini Xalid Xəlilov, Qazaxıstanın “Ardager” qeyri hökumət təşkilatının prezidenti Bayan Axmetcanova, Qırğızıstan “Yaşlılar üçün Resurs Mərkəzi” İctimai Birliyinin İcraçı Direktoru Gulmira Esengeldieva, Qırğızıstan Qızıl Ayparasının nümayəndəsi Madambekova Cəmilə, Salomatina Yuliya və Ermənistan-Azərbaycan Sülh Platformasının Direktoru Dilarə Əfəndiyeva iştirak edirdilər.
Sonda qonaqlarla xatirə şəkli çəkdirildi.
