Hər il, 1988-ci ildən başlayaraq, dekabrın 1-də Ümumdünya QİÇS-lə mübarizə günü qeyd edilir. Həmin tarix dünya ictimaiyyətinin diqqətini qlobal pandemiya miqyasını almış İİV-infeksiyasına qarşı mübarizəyə cəlb etmək məqsədilə təsis olunmuşdur. Bu məqsədlə də kecirilməsi artıq ənənə halını almış “İştirak et və öz İİV statusunu öyrən” devizi altında Sumqayıt Dövlət Universiteti ilə AzQAC Sumqayıt şəhər bölməsinin birgə tədbiri baş tutdu. Tədbirin 1-ci hissəsi universitetin akt zalında tələbələrin və könüllülərin iştirakı ilə kecirildi.
Tədbirdə Azərbaycan Qızıl Aypara Cəmiyyətinin fövqəladə hallar şöbəsinin müdiri Elşən Səlimzadə, icraçı katibinin müavini, gənclər və könüllülər şöbəsinin müdiri Xalidə İsgəndərova, Qızıl Aypara Cəmiyyətinin Sumqayıt bölməsinin sədri Mətanət Məhərrəmova, Səhiyyə Nazirliyi QİÇS-lə Mübarizə Mərkəzinin mütəxəssisi Natiq Zülfüqarov və universitetin müəllim-tələbə heyəti iştirak etirdilər.
Tədbiri giriş sözü ilə universitetin humanitar məsələlər üzrə prorektoru Ramiz Hüseynov acaraq, qonaqları salamlamış, günün vacibliyi ilə bağlı məlumat verərək ölkəmizdə gənc nəslə həmişə böyük qayğı ilə yanaşıldığını bildirdi, Prezident cənab İlham Əliyevin rəhbərliyi ilə bu istiqamətdə həyata keçirilən dövlət siyasətindən və dövlətin dəstəyi ilə gənclər arasında sağlam həyat tərzi və reproduktiv sağlamlıqla bağlı ciddi işlər görüldüyündən bəhs etdi, gəncləri zərərli vərdişlərdən uzaq durmağa çağırdı.
AzQAC Sumqayıt şəhər bölməsinin sədri Mətanət Məhərrəmova qonaqları təqdim edərək,mövzu ilə bağlı cıxış ücün sözü Respublika AİDS Mərkəzinin mütəxəssisi doktor Natiq Zülfüqarova verdi.O, QİÇS xəstəliyinin dünyanın digər ölkələrində olduğu kimi Azərbaycanda da yayılan, hər kəsi düşündürən aktual məsələlərdən olduğunu bildirdi, bu infeksiyanın qarşısını almaq məqsədilə dünyada maarifləndirici tədbirlərin keçirildiyini diqqətə çatdırdı. Bildirdi ki, universitetimizdə bu istiqamətdə ənənəvi tədbirlərin keçirilməsi gənclərin sağlamlığına göstərilən diqqət və qayğının nəticəsidir. Natiq Zülfüqarov gənclərə İİV infeksiyası və ondan qorunma üsulları, sağlam və təhlükəsiz həyat tərzi barədə ətraflı məlumat verdi. Bildirdi ki, QİÇS pandemiyası dünya səhiyyəsinin infeksion xəstəliklər sahəsində ən ciddi problemlərindən biridir.QİÇS xəstəliyi əsasən narkomaniya xəstəliyinə düçar olanlarda daha çox təsadüf edilir. Narkomaniyanın yayılması millətin sağlam həyat tərzi üçün təhlükə törədir, insanların, xüsusilə də gənclərin fiziki sağlamlığına zərbə vurmaqla yanaşı, narkomaniya həm də cəmiyyətdə əxlaqi və mənəvi aşınmalara səbəb olur.
Mövzu ilə bağlı tədbir iştirakçılarını maraqlandıran suallar mütəxəssis tərəfindən cavablandırıldı.
Sonra AİDS Mərkəzinin mütəxəssisləri tərəfindən könüllü olaraq tələbə və universitetin əməkdaşları İİV-ə test müayinəsindən keçdilər. Təxminən 500 nəfərə yaxın könüllü test müayinədən keçdi.
