Hər il AzQAC Suraxanı RB-si “Ramazan” bayramında ehtiyacı olan insanlara yardım göstərir. Bu il də may ayının 15-də rayon ərazisində yaşayan 65 nəfəri sevindirdik. Tənha qocaları, əlilləri, aztəminatlı və çox uşaqlı ailələri hissə-hissə idarəyə dəvət edib ərzaq yardımları paylanıldı. AzQAC Suraxanı RB sədri Turan xanım Hüseynova Cəmiyyətimizin adından dəvət olunan insanları qarşıdan gələn “Ramazan” bayramı münasibətilə təbrik edib və onlara uzun ömür, can sağlığı, xoşbəxtlik arzulayıb. Dəvət olunanlar onlara diqqət və qayğıya görə öz minnətdarlıqlarını bildirdilər.