Bu gün Qızıl Xaç və Qızıl Aypara Hərəkatımıza böyük bir itki üz vermişdir. Ən əziz dostumuz, Hərəkatın ən qocaman və ən dəyərli nümayəndəsi, Ukrayna Qızıl Xaç Cəmiyyətinin prezidenti Usiçenko İvan İqnatyeviç dünyadan köçdü və əbədiyyətə qovuşdu.

Bu, mənim üçün şəxsi itki oldu: Belə ki, mən ona “Ata” deyə müraciət edirdim o, isə məni öz “oğlu”hesab edirdi. Mən bu sözləri böyük qürur hissi ilə xatırlayıram. O, gözəl şəxsiyyət idi və böyük hörmətə malik idi.

İvan İqnatyeviç Henri Devidson medalı, Nikolay Piroqov medalı və çoxsaylı xidmətlərinə və nailiyyətlərinə görə, eləcə də Hərəkatımıza verdiyi böyük töhfələrə görə digər mükafatlarla təltif edilmişdir.

O, çox güclü və açıq ürəkli bir insan idi, həm də böyük öndər və humanist, istedadlı həkim idi. Hərəkata, humanitar işə olan səmimi münasibəti və sədaqəti ilə o, bu dünyanı daha yaxşı bir məkana çevirə bilənlərdən biri idi.

Rahat yat, əziz dostum! Sən hamımız üçün nümunə idin. Biz səni həmişə qəlbimizdə və düşüncələrimizdə xatırlayacağıq. Bizlər Sənin üçün darıxacağıq!