Ümumdünya Səhiyyə Təşkilatı (ÜST) sağlamlığı tək xəstəliyin olmaması deyil. Eləcə də psixi sağlamlıq, sosial rifahın, müstəgil uyğunlaşma və özünüidarə etmək bacarığı kimi tərifi verir. Fövqəladə hallar zamanı isə insanların bu sahələrdə rastlaşdığı çətinlikləri xüsusi qeyd edilir. Fövqəladə hallarda icma əsaslı sağlamlıq sahəsinə əhalinin məlumatlandırılma AzQAC-in Fövqəladə hallara hazırlıq və cavab vermə fəaliyyətlərdə əhəmiyyətli yer tutur. Bu baxımdan AzQAC işçi heyyəti və könüllüləri üçün (Regional və rayon bölmələri) mütəmadi olaraq, təlimlər təşkil olunur.
Belə ki, 2019 ildə (COVİD-19 pandemiyasından öncə) Beynəlxalq İnkişaf üzrə ABŞ Agentliyi (USAID) və Beynəlxalq Qızıl Xaç və Qızıl Aypara Cəmiyyətləri Federasiyası (IFRC) maliyyə və texniki dəstəyilə AzQAC –in 12 yerli bölməsində Fövqəladə hallarda sağlamlıq üzrə İcma əsaslı Könüllü dəstələrin yaradılması məqsədilə “Səhiyyə sahəsində yerli icmaların fövqəladə vəziyyətlərə dayanıqlığın artırılması” layihəsinə start verilmişdir. Bu layihə çərçivəsində Azərbaycanın fəlakətə meyilli bölgələrindəki ən zavallı icmalara sağlamlıq risklərini və fövqəladə halların və fəlakətlərin təsirini idarə etmək məsələlərə dair təlimatlandırılma və digər tədbirlər həyata keçirilir. Layihə çərçivəsində AzQAC-ın könüllüləri və işçiləri, icmalar və yerli hakimiyyət orqanları, fövqəladə hallar (COVİD-19 pandemiyası daxil olmaqla) fəlakət və böhranların sağlamlıqla əlaqəli nəticələrinə cavab tədbirləri barədə öz biliklərini inkişaf etdirə və artıra biləcəyi nəzərdə tutulur. Həyata keçirilən fəaliyyətlər çərçivəsində fövqəladə hallar (COVİD-19 pandemiyası daxil olmaqla) fəlakət və böhranların psixi sağlamlığa təsiri, ilk psixoloji yardım və psixo-sosial dəstək mövzusuna xüsusi yer ayrılır. Təlim iştirakçıları onlara təqdim edilən mövzuları qrup tapşırıqlar vasitəsilə nümayiş etmişlər.
Buna əsasən 2021 il 19-22 oktyabr tarixində Lənkaranda və Gəncədə (Lənkaran, Astara, Sumqayıt, Sabirabad, Xaçmaz, İsmayıllı, Gəncə, Tovuz, Ağdaş, Ağcəbədi) layihəyə cəlb olunan sağlamlıq dəstələrin üzvləri-könüllülərinə “Fövqəladə hallar zamı İlkPsixoloji Yardım və Psixo-sosial Dəstək” mövzusunda təlimlər təşkil olunmuşdur. Təlimlər AzQAC-in psixoloqu Nigar Qədəşova və təlimçi Mətanət Qaraxanova tərəfindən keçirilirdi. Təlimlərdə Proqram meneceri Samirə Həsənli iştirak etmiş, layihənin məqsəd və gözləntiləri, icmalarda fəaliyyətlərin gedişi və hesabatların təqdim etmə qaydaları barədə geniş məlumatları təlim iştirakçılara çatdırmışdır. O, bu fəaliyyətlərdə yerli dövlət strukturları ilə əməkdaşlığı xüsusi vurğulamışdır.
Uzun illər ərzində AzQAC Az.Respublikası Səhiyyə Nazirliyinin İçtimai Səhiyyə və İslahatlar Mərkəzi (İSİM) ilə əməkdaşlıq edir. Bu əməkdaşlıq çərçivəsində İSİM tərəfindən müxtəlif sağlamlıq mövzusuna dair hazırlanan icmalarda paylanması nəzərdə tutulan əyani vəsaitləri mütəmadı şəkildə AzQAC təqdim edilir. Belə ki, hər il ÜST tərəfindən hər il 10 okt.Ümumdünya Psixi Sağlamlıq Günü və 15 oktyabr Süd Vəzi Xərçəng xəstəliyi ilə mübarizə günləri qeyd edilir. Bununla bağlı, adı çəkilən təlimlərdə iştirakçılara bu mövzular barədə məlumatlar verilmişdir ki, onlar icmalarda maarifləndirmə yönümlü fəaliyyətlərini həyata keçirsinlər. Bununla yanaşı təlim iştirakçılarına İSİM-in Süd vəzi xərçənginə dair vərəqələr paylanılmışdır.
